Таҳлил натижаларига кўра, жорий йилнинг 9 ойи якунлари бўйича суғурталовчилар учун асосий кўрсаткич ҳисобланган тўлов қобилияти маржасининг етарлилик нормативи ўтган йилларнинг шу даврига нисбатан камайиб бораётганлиги кузатилди.
Жумладан, суғурта бозорининг умумий суғурта соҳаси бўйича тўлов қобилияти маржасининг етарлилик нормативи 1,8 дан 1,3 га камайган. Ҳаёт суғуртаси соҳаси бўйича ушбу кўрсаткич 1,18 дан 1,02 га камайган.
Ҳисобот даври якуни бўйича тўлов қобилияти маржасининг етарлилик нормативи “O‘ZBEKINVEST” ЭИСК АЖ, “UNIVERSAL SUG‘URTA” АЖ ва “TRUST-INSURANCE” АЖ ларда энг юқори кўрсаткич қайд этилган.
Шунингдек, суғурталовчилар фаолиятининг зарарлилик коэффиценти ҳисобот даври якуни бўйича 38,4 фоизни ташкил этган бўлса, умумий фаолиятнинг (суғурта ва молиявий фаолият) комбинацияланган коэффиценти 93,6 фоизга етган.
Суғурта фаолияти бўйича эришилган молиявий натижалар шуни кўрсатади-ки, фақатгина 11 та суғурта ташкилотлари мазкур даврни фойда билан якунлаган.
Бундан ташқари, эълон қилинган маълумотларда суғурталовчиларнинг активлари таркиби, ROE ва ROA коэффицентлари ва суғурта заҳиралари таркиби тўғрисидаги маълумотлар ўз аксини топган.
Қуйидаги жадвал орқали маълумотлар билан тўлиқ танишишингиз мумкин.
© Молия вазирлиги ҳузуридаги Суғурта бозорини ривожлантириш агентлиги матбуот хизмати